UzAuto Motors avtomobil ishlab chiqarishni vaqtincha to‘xtatadi
UzAuto Motors zavodi avtomobil profilaktika ishlari munosabati bilan ishlab chiqarishni to‘xtatadi. Bu haqda kompaniya matbuot xizmati xabar berdi.
Oldindan tasdiqlangan rejaga ko‘ra, 26 avgustdan kompaniya zavodlarida yillik rejali profilaktika ishlari boshlanadi.
Buning doirasida profilaktik ko‘rik, asosiy va yordamchi asbob-uskunalar, muhandislik-kommunikatsiya tarmoqlarini modernizatsiya qilish hamda texnik xizmat ko‘rsatish ishlari olib boriladi.
Kompaniya tayyor mahsulotlarni yetkazib berish bo‘yicha barcha shartnoma majburiyatlari to‘liq hajmda bajarilishini ham ta’kidladi.
Rejali profilaktika ishlari oldin shartnoma qilingan avtomobillarni yetkazib berish grafigiga ta’sir o‘tkazmaydi.
Avtomobillar ishlab chiqarish ishlari 23 sentyabrdan qayta boshlanadi.
