Xorij voqealari qisqa xabarlarda: Janubiy Koreya politsiyasi prezidentni hibsga olishi mumkin. Qirg‘izistonda yangi turdagi nafaqa joriy etildi
🔹 Ukraina prezidenti Vladimir Zelenskiy AQSh prezidenti Jo Bayden bilan Ukrainaning NATOga a’zoligi masalasini yana bir bor muhokama qilmoqchi. Bu haqda prezident devoni rahbari Andrey Yermak ma’lum qildi.
🔹 BMT Xavfsizlik Kengashining 2015 yilda qabul qilgan Suriyadagi siyosiy yechim to‘g‘risidagi rezolyusiyasi endi bu mamlakatdagi voqelikka mos kelmaydi. Avvalgi rezolyusiya uch tomonning o‘zaro hamkorligini nazarda tutgan: Bashar al-Assad hukumati, muxolifat va fuqarolik jamiyati.
🔹 Yelisey saroyi 73 yoshli markazchi Fransua Bayru Fransiyaning yangi bosh vaziri etib tayinlangani haqida ma’lum qildi. Bayru ta’lim vaziri bo‘lib ishlagan va turli yillarda prezidentlikka nomzod bo‘lgan.
🔹 Ertaga, 14 dekabr kuni Iordaniyaning Aqaba shahrida Suriyadagi vaziyatning rivojlanishini muhokama qilish uchun xalqaro vazirlar yig‘ilishi bo‘lib o‘tadi.
🔹 Tergovchilarning maxsus guruhi 3-4 dekabrda harbiy holat e’lon qilgani uchun Janubiy Koreya prezidenti Yun Sok Yolni hibsga order berish imkoniyatini ko‘rib chiqmoqda. Hibsga olingan Janubiy Koreya politsiyasi rahbari Cho Ji Xoning so‘zlariga ko‘ra, Yun Sok Yol unga olti marta qo‘ng‘iroq qilgan va deputatlarni hibsga olishni talab qilgan.
🔹 Xitoy rahbari Si Szinpin 2025 yil yanvarida o‘tkaziladigan AQShning saylangan prezidenti Donald Trampning inauguratsiya marosimida qatnashmasligi ma’lum qilindi. Tadbirda Xitoyning AQShdagi elchisi va uning rafiqasi ishtirok etishi kutilmoqda.
🔹 Jo Bayden ma’muriyati AQSh bilan Meksika chegarasida Donald Tramp boshlagan devor qurilishida foydalanilmagan materiallarni sotishga ulgurmoqchi. Bundan tashqari, Bayden ma’muriyati Kiyevga 500 million dollarlik navbatdagi harbiy yordam paketini taqdim etishini e’lon qildi.
🔹 AQSh va Turkiya Suriya kelajagi bo‘yicha umumiy kelishuvga erishdi, deb ma’lum qildi AQSh davlat kotibi Entoni Blinken. Turkiya prezidenti Anqarada bo‘lib o‘tgan muzokaralar chog‘ida Anqara Suriyadagi terrorchilik tashkilotlariga qarshi qat’iy kurashni davom ettirishini ta’kidladi.
🔹 Italiya Ukrainadagi tinchlikparvar missiyada ishtirok etishga tayyor. Bu haqda Italiya mudofaa vaziri Gido Krosetto ma’lum qildi. U mamlakat Livan va G‘azo sektoriga tinchlikparvar kuchlarni joylashtirishga tayyorligini aytdi.
🔹 Avstriya vataniga qaytishni istagan suriyaliklarga pul to‘laydi, "premiya" ming yevro bo‘ladi, dedi kansler.
🔹 Isroilning G‘azo sektoridagi falastinliklar lageriga uyushtirgan havo hujumida 30 dan ortiq odam halok bo‘lgan. 50 dan ortiq kishi jarohatlangan.
🔹 Rossiya va Hindiston tarixdagi eng yirik neft shartnomasini tuzishdi. "Rosneft" Hindistonning xususiy neftni qayta ishlash zavodi Reliance kompaniyasiga 10 yil davomida kuniga 500 ming barrel neft yetkazib beradi.
🔹 Time jurnali Trampni yil odami deb topdi.
🔹 Qirg‘izistonda yangi yildan tog‘li va olis hududlarda, shuningdek, alohida maqomga ega bo‘lgan chegara hududlarda yashovchi fuqarolarga nafaqa joriy etiladi.
