Android qurilmalar uchun Zarnews.uz mobil ilovasi. Yuklab olish x

Yangi o‘quv yili odatdagidek an’anaviy tarzda boshlanadimi? Akademik litseylar sentyabr oyida ochiladimi?

Bugun AOKA huzuridagi shtabda Oliy va o‘rta maxsus ta’lim vazirligi matbuot kotibi Farhod Babashev ishtirokida brifing o‘tkazildi.

Brifingda yangi o‘quv yiliga tayyorgarlik va sohaga oid savollarga javob qaytarildi.

- Yangi o‘quv yili odatdagidek an’anaviy tarzda boshlanadimi? Akademik litseylar sentyabr oyida ochiladimi?

- Respublika maxsus komissiyasi qaroriga ko‘ra yangi o‘quv yilini ta’lim muassasalarida masofaviy tarzda boshlash belgilangan.

Akademik litseylarda ta’lim jarayonlari 2 kurs o‘quvchilari uchun yangi o‘quv yilidan masofaviy tarzda boshlanadi.

Shuningdek, 2020-2021 o‘quv yili uchun saralash imtihonlarini joriy yilning 7 sentyabridan 15 sentyabriga qadar bo‘lgan muddatlarda o‘tkazish yuzasidan O‘zbekiston Respublikasi ta’lim muassasalariga o‘qishga qabul qilish bo‘yicha davlat komissiyasiga taklif kiritilgan.