Yoshlar lalmi yerga 5 ming tup ko‘chat o‘tqazdi

Pastdarg‘omlik yoshlar Navro‘z bayramini o‘zgacha kutib olishdi. Ular uyushmagan holda tumanning lalmi maydonlariga ko‘chat o‘tqazdilar.

Gap shundaki, tuman hokimi tashabbusi bilan dehqonchilik qilish istagida bo‘lgan ishsiz yoshlarni doimiy ish bilan ta’minlash maqsadida tuman hududidagi “Zarafshon” massividan 66 nafar yoshlarga 1 gektardan yer ajratilgan edi.

21 mart kuni yoshlar o‘zlariga berilgan yer maydonlariga 5 ming tupdan ortiq yarim pakana yong‘oq va olma ko‘chatlari ekishdi. Lalmi yerga ekilgan ushbu ko‘chatlar hududdan artezian qudug‘i qazilib, tomchilatib sug‘orish usulida sug‘oriladi.

Shuningdek, tumandagi Chimboyobod hududidan ishsiz yoshlar uchun yana 35 gektar yer maydoni ajratilmoqda.

Past Darg‘om tumani hokimligi axborot xizmati.