Ҳиндистонда тўрт оёқли ва уч қўлли қизалоқ туғилди

Ҳиндистоннинг Ражастхан штатида ғайритабиий қизча туғилди. Янги туғилган чақалоқнинг тўртта оёғи ва учта қўллари бор, дея хабар бермоқда The Mirror.

Маълум бўлишича, аёл танасида учта эгизак ҳомила ривожланган. Улардан иккитаси қўшилиб ривожланган. Чақалоқнинг эгиз акаси эса соғлом дунёга келган.

Қизалоқда эса нафас олиш билан боғлиқ муаммо кузатилган. Унга сунъий кислород берилгач, аҳволи анча яхшиланган.

Қўшимча оёқ-қўллар чақалоқнинг кўкрак ва қорин қисмида жойлашган. Уларни жарроҳлик йўли билан олиб ташлаш режалаштирилмоқда.