Коллеж ўқувчилари ўртасида “Ёш китобхон” танлови ўтказилди
Ёшларга эътиборни кучайтиришга қаратилган 5 та ташаббус бўйича Самарқанд вилоятдаги касб-ҳунар таълими муассасаларида бадиий учрашувлар, китобхонлик тадбирлари ва спорт мусобақалари бўлиб ўтмоқда.
Жумладан, Самарқанд агроиқтисодиёт коллежида ўқувчи-ёшлар ўртасида "Ёш китобхон" танлови ташкил этилди. Танлов натижаларига кўра, 1-ўрин Бобур Шавкатов, 2-ўрин Лазиза Қосимова ҳамда 3-ўрин Ситора Ҳасановага насиб этди.
Ғолибларга фахрий ёрлиқ ва эсдалик совғалари топширилди.
Худди шу каби маънавий-маърифий тадбирлар Самарқанд ҳамда Пахтачи педагогика коллежлари ва Челак транспорт касб-хунар коллежида ҳам ўтказилди.
