Муҳофаза зонадан ноқонуний фойдаланганга жарима белгиланди

Вилоят экология ва атроф-муҳитни муҳофаза қилиш бошқармасининг назорат инспекторлари томонидан жорий йилнинг 26 июнь куни “Зарафшон” дарёсининг Ургут туманидан оқиб ўтувчи муҳофаза қисмида рейд тадбирлари ўтказилди.

Ўрганишлар давомида фуқаро М.М. томонидан ўз бошқарувидаги техника воситаси ёрдамида ноқонуний равишда муҳофаза ҳудудидан қум-шағал қазиб олиб, шахсий юк автомашиналарга юклаб бераётганлиги  аниқланди.

Ҳуқуқбузарга Ўзбекистон Республикаси "Табиатни муҳофаза қилиш тўғрисида"ги, "Ер ости бойликлари тўғрисида"ги қонунлари талабларини бузилганлиги учун Ўзбекистон Республикаси МЖтКнинг тегишли моддаларига биноан маъмурий жарима қўлланилди.

Шерали ИСКАНДАРОВ.