Табиий газ ва электр энергияси истеъмоли учун тарифлар оширилмаслиги белгиланмоқда

2021 йил давомида табиий газ ва электр энергияси истеъмоли учун тарифлар оширилмаслиги белгиланмоқда. Бу ҳақда Олий Мажлис Қонунчилик палатаси депутати Расул Кушербаев маълум қилди.

"Мазкур норма 2021 йил учун мўлжалланган Давлат бюджети лойиҳасида қайд этилган.
Шунингдек, бугун Қонунчилик палатасининг ялпи мажлисида иштирок этган Бош вазир Абдулла Арипов ҳам буни тасдиқлаб, бу аҳоли учун енгиллик яратиш ва қўллаб-қувватлаш йўлида қилинаётганлигини билдириб ўтди.

Умид қиламизки, бу сифатга таъсир қилмайди", деб ёзмоқда депутат.