Xitoyda ota-onasi to‘rt yil avval vafot etgan chaqaloq tug‘ildi

2013 yilda halok bo‘lgan ota-ona bir necha embrionlarni muzlatib qo‘yishgan edi. Ular sun’iy urug‘lantirish orqali kelajakda yana farzand ko‘rishni istashgan.

Avtohalokatdan so‘ng er-xotinning ota-onalari embrionlarni boshqa ayol bachadoniga joylashga ruxsat olish uchun bir-necha yildan beri sudlashib kelgan.

Chaqaloq aslida o‘tgan yilning dekabrida dunyoga kelgan bo‘lsada, Xitoyda bu voqea endigina ko‘pchilikka ma’lum bo‘ldi.

Embrionlar Nanjing gospitalida minus 196 darajada suyuq azot ichida saqlanib kelingan, deya xabar beradi VVC.