Томскдаги ёнғинда 11 киши қурбон бўлган. Уларнинг барчаси Ўзбекистон фуқаролари эканлиги айтилмоқда

21 январь куни Томск вилояти Асинов туманида (Россия) юз берган ёнғин оқибатида 11 киши қурбон бўлди, деб хабар қилмоқда РИА Новости.

Ёнғиннинг умумий майдони 208 квадрат метрни ташкил қилган. Уни ўчиришда 19 киши ва 6 та техника иштирок этган.

Ёнғинни ўчириш вақтида бинодан 11 кишининг жасади топилган.

Томск ФВВ хизматининг маълумотларига кўра, куйиб кетган бино ётоқхона бўлган, унда "Гринвуд" МЧЖ ёғоч тайёрлов компаниясининг 12 ходими яшаган. Қурбонларнинг барчаси Ўзбекистон фуқаролари экани айтилмоқда.

ФВВнинг дастлабки хабарларига кўра, қурбон бўлганларнинг барчаси Ўзбекистон фуқаролари бўлиши мумкин.

Айни дамда суриштирув ишлари олиб борилмоқда.