8 июндан автобуслар қатнови йўлга қўйилди. Одамларнинг касалликни юқтириб олиш хавфи катта эмасми?
Жамоат транспортларига қуйидаги талаблар белгиланган:
➖ транспорт воситасини якуний йўналиш нуқтасида дезинфекция қилиш;
➖ автобус салонига фақатгина тиббий ниқоблардаги йўловчиларни киритиш;
➖ ҳайдовчиларни тиббий қўлқоп ва тиббий ниқоблар билан таъминлаш ҳамда уларнинг мунтазам равишда ўз вақтида алмаштириб борилиши чораларини кўриш.
Касалликнинг олдини олиш ва карантин тадбирларига амал қилиш ўз қўлимизда. Илмий асосланган ва барча учун оддий бўлган гигиена қоидаларига амал қилиш орқали касалликдан ҳимояланиш мумкин, деб жавоб берди Санитария-эпидемиологик осойишталик агентлиги директорининг биринчи ўринбосари Ботир Қурбонов АОКА штабида бўлиб ўтган брифингда.
