Абитуриентларга қўлбола алоқа воситаларини сотаётган шахс ушланди
Бугун, 5 сентябрь куни Самарқанд вилояти ИИБ тезкор-қидирув хизмати ҳамда хавфсиз туризмни таъминлаш бошқармаси ходимлари ҳамкорликда тадбир ўтказишди.
Тадбир давомида абитуриентлар тест синовлари жараёнида фойдаланиши учун қўлбола усулда махсус ясалиб, ички кийимларга ўрнатилган алоқа воситаларини 100-200 АҚШ долларидан сотаётган 29 ёшли У. исмли шахс аниқланди. Бу ҳақда Самарқанд вилояти ИИБ ахборот хизмати хабар берди.
Ички ишлар бошқармаси абитуриентларни тест синовларида фойдаланиш тақиқланган буюмларни ўзлари билан имтиҳонга олиб кирмасликлари бўйича огоҳликка чақирди.
