Афроамерикалик Жорж Флойд ўлимида айбланаётган полициячи устидан суд иши бошланди

Афроамерикалик Жорж Флойд ўлимида айбланаётган полициячи, Миннеаполислик Дерек Чавен устидан суд иши 8 июнь куни бошланди.

Чевен иккинчи даражали қотилликни амалга оширганликда айбланмоқда. Яъни, олдиндан режалаштирилмаган қасддан қотиллик. Бу ҳолатда қотиллик сабаби, жисмоний тан жароҳати етказишда ва инсон ҳаётига бутунлай бефарқлик қилганликда намоён бўлади.

Чевенга эълон қилинган айблов дастлаб бир мунча енгил эди. Бироқ кейинчалик айблов оғирлаштирилди. Шу билан бирга, Миннесота штати Бош прокурори, айблов энг оғир, биринчи даражали қотилликкача туширилиши мумкин эканлигини ҳам айтиб ўтди.

Собиқ полициячига эълон қилинган ҳозирги айблов уни 40 йилгача озодликдан маҳрум этиши мумкин.

Флойдни ҳибсга олишда кўмаклашган яна уч нафар полициячига нисбатан қотиллик содир этилишига кўмаклашиш айблови эълон қилинган. Уларнинг ҳар бирига 10 йилгача озодликдан маҳрум этиш жазоси хавф солмоқда.

Жорж Флойд томонидан айтилган “Нафас ололмаяпман” ибораси бутун АҚШни, кейинчалик бошқа давлатларни ҳам қуршаб олган миллатчиликка қарши намойишларнинг асосий шиорига айланди.