Оқ уй Хитойга нисбатан тарифларни 104 фоизга оширди
Кеча, 8 апрель куни Оқ уй Хитойдан келадиган товарларга тарифларни қўшимча 50 фоизга оширишга қарор қилгани ва якуний ставкани 104 фоизга етказганини маълум қилди.
Янги ставка бугундан кучга киради. Бунгача Хитой АҚШ президенти Доналд Трампнинг таҳдидлари ва Вашингтон “шантажи”га бўйсунмаслиги, зарар кўрган фонд бозорлари вақтинча барқарорлашганига қарамай, авж олаётган савдо урушида “охиригача курашиш”га ваъда берган эди.
АҚШ маъмурияти янги тарифларни жорий этишидан бир неча соат олдин марказий банк вазифасини бажарувчи Хитой Халқ банки АҚШ доллари қийматини 77 долларга белгилади. Бу валютанинг бироз заифлашишига имкон беради.
