Афруза Ҳамдамовага Халқаро шахмат федерацияси (FIDE) томонидан аёллар ўртасида халқаро гроссмейстер (WGM) унвони берилди
Бу ҳақда Ўзбекистон шахмат федерацияси ахборот хизмати маълум қилди.
"Юртимиз вакиласи Афруза Ҳамдамова халқаро майдонда эришган юксак натижалари ва барқарор ўйини эвазига Халқаро шахмат федерацияси (FIDE) томонидан аёллар ўртасида халқаро гроссмейстер (WGM) унвонига сазовор бўлди.
Мазкур унвон Афрузанинг йиллар давомида олиб бораётган тинимсиз меҳнати, фидойилиги ва Ўзбекистон шахмат мактабининг самарали тизими натижасидир", дейилади хабарда.
