АҚШ президентининг глобал шерикликлар бўйича махсус вакили Паоло Замполли Самарқандда
Амалий ташриф билан мамлакатимизга келган Америка Қўшма Штатлари президентининг глобал ҳамкорликлар бўйича махсус вакили Паоло Замполли бошчилигидаги делегация Самарқандга келди.
Меҳмонларни Самарқанд темирйўл вокзалида вилоят ҳокимининг ўринбосари Рустам Қобилов кутиб олди.
Ташриф дастурига кўра, меҳмонлар Самарқанддаги қадимий ва диққатга сазовор жойларни томоша қилади.
Эслатиб ўтамиз: 28 август куни давлатимиз раҳбари АҚШ президентининг глобал шерикликлар бўйича махсус вакили Паоло Замполлини қабул қилган эди.
Учрашувда Ўзбекистон билан АҚШ ўртасидаги стратегик шериклик ва кўп қиррали ҳамкорлик муносабатларини янада кенгайтириш ҳамда мамлакатлар ўртасида хавфсизликни таъминлаш, терроризм, экстремизм ва ноқонуний миграцияга қарши курашиш соҳаларида самарали ҳамкорлик масалалари муҳокама қилинган.
Шунингдек, Ўзбекистон ва АҚШ ўртасидаги Кенгайтирилган стратегик шериклик мулоқотининг биринчи йиғилиши жорий йилнинг кузида ўтказилиши режалаштирилган.
