АҚШда яна тошқин, Хитой ва Непал чегарасида сув балоси инсонлар ҳаётига зомин бўлди

АҚШнинг Нью-Мексико штатида кучли сув тошқини уйларни ювиб кетган, одамлар бедарак йўқолган.

Вайронагарчиликнинг аниқ кўлами ва қурбонлар сони ҳозирча номаълум бўлса-да, икки болали оила ҳалок бўлгани айтилмоқда. Сув сатҳи тез кўтарилиши кутилмоқда.
Ижтимоий тармоқлардаги тасвирларда Руидозода олинган табиий фалокат «жазава»сини кўриш мумкин. Аввалроқ Техасда ҳалокатли сув тошқинидан 110 дан ортиқ киши ҳалок бўлган, 170 дан ортиқ киши бедарак йўқолган эди.

***

Шунингдек, Хитой-Непал чегарасида сув тошқини оқибатида 8 киши ҳалок бўлди, 20 киши бедарак йўқолди.
Тўсатдан қирғоқларидан тошиб чиққан Река Бхоте-Коси дарёси икки мамлакатни боғловчи Дўстлик кўпригини ювиб кетди. Оқибатда камида саккиз киши ҳалок бўлган.
Ҳозирда давлатлар ўртасидаги савдо-сотиқ тўхтатилган, товарлар ортилган контейнерлар, жумладан юзлаб Хитой электромобилларини дарё "ювиб" кетган.
Сув тошқини кучли ёмғир ёғаётган Тибетдаги музлик кўлининг тўлиши оқибатида юзага келган бўлиши мумкин.