Бир фуқарони 28 минг доллар эвазига АҚШга ишга юбормоқчи бўлган фирибгар ушланди
Бу ҳолат Бош прокуратура ҳузуридаги Департаментнинг Самарқанд шаҳар бўлими, ДХХ ва ИИБ ходимлари ҳамкорлигида ўтказилган тезкор тадбирда аниқланди.
Тадбир давомида фуқаро Б.Б. фуқаро М.Х.нинг ишончига кириб, уни 28 000 АҚШ доллари эвазига Мексика давлати орқали АҚШга юборишини ваъда қилиб, шундан 4 500 АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
