Британиялик депутатнинг ўлдирилиши - бу теракт
Британия парламентарийси Дэвид Эймисснинг ўлдирилиши расман теракт деб таснифланди. Бу ҳақда Скотланд-Ярдда маълум қилинди. Фожиа терговини Лондон полициясининг аксилтеррор бўлинмаси олиб бормоқда.
Қарийб 40 йиллик тажрибага эга, ҳукмрон Консерватив партия аъзоси, 69 ёшли Эймисс сайловчилар билан учрашув пайтида ўлдирилган. Жиноятчи унга бир неча пичоқ санчган. Парламент аъзоси олган жароҳатларидан вафот этди. Британия матбуоти хабарига кўра, ҳужумчи - Сомалида туғилган 25 ёшли киши. Аммо терговчилар бу маълумотни тасдиқламади.
Британия ва хорижий сиёсатчилар марҳумнинг оиласига ҳамдардлик билдирди. Британия ички ишлар вазири Прити Пател парламент аъзолари хавфсизлик чораларини синчиклаб текширишни буюрди. Одатда, ўз сайлов округларида сайловчилар билан учрашганда, уларга ҳимоя талаб этилмайди. 2016 йилда «брексит» мунозараси пайтида лейбористлар депутати Жо Кокс худди шундай ўлдирилган эди.
Буюк Британиянинг сиёсий спектри етакчилари бир кун олдин ўлдирилган депутат Девид Эймсга ҳурмат бажо келтирди.
Эймисснинг ўлдирилиши Британия қонунчилари хавфсизлиги ҳақида савол туғдирди.
