Дам олиш кунлари ҳаво ҳарорати бироз пасаяди
“Ўзгидромет” хабарига кўра, бугун Кавказдан кириб келаётган ҳаво республика ҳудуди бўйича ҳаракатини давом эттиради ва барча жойларда иссиқ заифлаша бошлайди. Кундузи ҳаво ҳарорати +35...+39 даражани ташкил этади, энг чекка жанубда +41...+44 даражагача бўлади.
Дам олиш кунлари республика ҳудудининг катта қисмида ҳарорат +33...+38 даража атрофида бўлади, фақат баъзи жойларда +39...+40 даражага етади.
15-16 июль кунлари республиканинг барча ҳудудлари бўйича асосан қуруқ ва кам булутли об-ҳаво бўлиши кутилмоқда. Баъзи жойларда шамол тезлиги 15-20 м/с гача етиши, айрим жойларда чанг-тўзон билан кузатилиши мумкин.
