Дунёда коронавирус инфекциясини юқтирганлар сони 35 миллиондан ошди: бу борада АҚШ етакчи

Жаҳон соғлиқни сақлаш ташкилоти маълумотларига кўра, дунёда коронавирус инфекциясини юқтирганлар сони 35 миллион 109 мингдан ортиқни ташкил этмоқда, шундан 1 миллион 35 мингдан зиёд киши вафот этган.

Жонс Хопкинс университетининг сўнгги маълумотларига кўра, дунёда касалликни 35 миллион 483 мингдан ортиқ одам юқтирган, улардан 1 миллион 44 мингдан ортиғи вафот этган.

Касаллик тасдиқланган ҳолатлар бўйича АҚШ биринчи ўринда турибди, у ерда ЖССТ маълумотларига кўра 7,3 миллиондан ортиқ киши коронавирус инфекциясини юқтирган. Бу борадаги маълумотларга кўра, Ҳиндистонда 6,6 миллиондан ортиқ киши, Бразилияда 4,9 миллион, Россияда 1,2 миллиондан ортиқ кишида ушбу касаллик тасдиқланган.