Филиппинда бортида 200 дан ортиқ одам бўлган кема ёнғинида 12 киши ҳалок бўлди

Филиппинда йўловчи кемасида содир бўлган ёнғин оқибатида камида 12 киши ҳалок бўлган. Пайшанба куни ABS-CBN медиа гуруҳининг хабар беришича, ҳалок бўлганлар орасида камида уч нафар бола бор.

Манбага кўра, Балук-Балук ороли яқинида ёниб кетган Lady Mary Joy 3 кемаси бортида 200 дан ортиқ йўловчи бўлган.

Бедарак йўқолган 7 кишини қидиришда давом этмоқда. Расмийлар ёнғин сабабларини ўрганмоқда.