Ҳоким ўринбосaри Самарқанднинг иқтисодий кўрсаткичлари, истиқболдаги режалар ҳақида талабаларга маълумот берди

Самарқанд давлат университети ректори Рустам Холмуродов ҳамда иқтисодиёт ва бизнес факультети профессор-ўқитувчилари, талаба-ёшлар иштирокида учрашув ташкил этилди.

Унда вилоят ҳокимининг биринчи ўринбосари Жамшид Ўроқовнинг “Самарқанд вилоятида 2019 йилда амалга оширилган кенг кўламли ишлар ва келгусидаги истиқболли режалар” тўғрисидаги таҳлилий маърузаси тингланди.

Маърузачи ялпи ҳудудий махсулотнинг ўсиши, қишлоқ хўжалиги кластерларининг ўрни, бандлик масалалари, аҳоли турмуш даражаси, туризмни ривожлантириш, вилоятнинг ташқи савдо айланмаси масалаларига атрофлича тўхталиб ўтди.

Тадбир сўнггида талаба-ёшлар ўзларини қизиқтирган саволларга жавоб олишди.