Истанбулда содир бўлган ЙТҲда 32 ёшли ўзбекистонлик аёл вафот этди, иккинчиси комада
ТИВ хабарига кўра, Истанбулда икки опа-сингил йўл транспорт ҳодисасига учраган.
Хабарда қайд этилишича, 2019 йил 11 июнь куни Истанбул шаҳрида содир бўлган автоҳалокат оқибатида Ўзбекистон фуқароси, 1987 йилда туғилган Муҳайё Шерданова ҳалок бўлди.
Ушбу ҳодисада марҳуманинг 1976 йилда туғилган опаси Матлуба Шерданова жабрланган ва ҳозирда «Қонуний Султон Сулаймон» шифохонасида кома ҳолатида қолмоқда.
Ўзбекистон бош консулхонаси вазиятни, жумладан, ҳодиса юзасидан тергов жараёнини назоратга олган.
