Жиззахда содир бўлган ЙТҲда автобус ағдарилган
Жорий йилнинг 5 июль куни соат 15:40 ларда, Жиззах вилояти Жиззах шаҳри, Олмазор ва Мустақиллик кўчалари кесишмасида ҳайдовчи, 1975 йилда туғилган Б.С. бошқарувидаги автобус ҳамда ҳайдовчи, 1993 йилда туғилган Б.Ф. бошқарувидаги “Нексия” русумли транспорт воситалари иштирокида тўқнашув содир бўлган. Тўқнашув оқибатида автобус ағдарилган. Автобусда 3 нафар йўловчилар бўлган.
Ўзбекистон Республикаси ИИВ ЙҲХББ ахборот хизмати берган хабарга кўра, тўқнашув сабаб тан жароҳати олганлар йўқ.
Мазкур ЙТҲ юзасидан Жиззах шаҳар ИИО ФМБ ЙҲХБ томонидан суриштирув ишлари олиб борилмоқда.
Барча йўл ҳаракати қатнашчиларидан йўлларда ҳаракатланганда белгиланган қоидаларга амал қилишларини, ўзи ва ўзгалар ҳаётини хавф остига қўймасликларини сўраймиз, дейилади ахборотда.
