Кадастр хизматларидан уйда туриб ҳам фойдаланиш мумкин
Фуқаролар учун электрон давлат хизматларидан my.gov.uz орқали уйдан чиқмаган ҳолда кадастр ҳужжатларини расмийлаштириш имконияти яратилган.
Яъни, давлат ташкилотларига бормасдан ушбу хизматлардан фойдаланиш мумкин:
- кўчмас мулк объектларига бўлган ҳуқуқларни давлат рўйхатидан ўтказишга ариза юбориш;
- кадастр паспортини шакллантириш;
- фуқароларнинг номида шахсий уй-жойи борлиги ёки йўқлиги тўғрисидаги маълумотнома олиш;
- бино ва иншоотларни ижара шартномасини давлат рўйхатидан ўтказиш;
- ўзганинг ер участкасидан чекланган тарзда фойдаланиш ҳуқуқи (сервитут) тўғрисидаги келишувни давлат рўйхатидан ўтказиш;
- кўчмас мулк бўйича кадастр муҳандисини малака шаҳодатномасини бериш;
- кадастр объектига тақиқни текшириш;
- қурилиш-монтаж ишлари тугалланган объектдан фойдаланиш учун рухсатнома бериш ва кадастр ҳужжатларини расмийлаштириш;
- давлат кадастр реестридан кўчмас мулк бўйича кўчирмани текшириш;
- қишлоқ хўжалигига мўлжалланмаган ер участкаларини хусусийлаштиришнинг бирламчи миқдорини ҳисоблаш;
- йирик инвестиция лойиҳасини амалга ошириш учун танловда иштирок этиш.
Шу ва бошқа кадастр хизматлари ҳақида Uzdkp.uz расмий веб-сайти ёки my.gov.uz портали орқали маълумотга эга бўлишингиз ва улардан онлайн фойдаланишингиз мумкин.
