Kadastr xizmatlaridan uyda turib ham foydalanish mumkin

Fuqarolar uchun elektron davlat xizmatlaridan my.gov.uz orqali uydan chiqmagan holda kadastr hujjatlarini rasmiylashtirish imkoniyati yaratilgan.

Ya’ni, davlat tashkilotlariga bormasdan ushbu xizmatlardan foydalanish mumkin:

- ko‘chmas mulk ob’yektlariga bo‘lgan huquqlarni davlat ro‘yxatidan o‘tkazishga ariza yuborish;

- kadastr pasportini shakllantirish;

- fuqarolarning nomida shaxsiy uy-joyi borligi yoki yo‘qligi to‘g‘risidagi ma’lumotnoma olish;

- bino va inshootlarni ijara shartnomasini davlat ro‘yxatidan o‘tkazish;

- o‘zganing yer uchastkasidan cheklangan tarzda foydalanish huquqi (servitut) to‘g‘risidagi kelishuvni davlat ro‘yxatidan o‘tkazish;

- ko‘chmas mulk bo‘yicha kadastr muhandisini malaka shahodatnomasini berish;

 - kadastr ob’yektiga taqiqni tekshirish;

 - qurilish-montaj ishlari tugallangan ob’yektdan foydalanish uchun ruxsatnoma berish va kadastr hujjatlarini rasmiylashtirish;

- davlat kadastr reyestridan ko‘chmas mulk bo‘yicha ko‘chirmani tekshirish;

 - qishloq xo‘jaligiga mo‘ljallanmagan yer uchastkalarini xususiylashtirishning birlamchi miqdorini hisoblash;

 - yirik investitsiya loyihasini amalga oshirish uchun tanlovda ishtirok etish.

Shu va boshqa kadastr xizmatlari haqida Uzdkp.uz rasmiy veb-sayti yoki my.gov.uz portali orqali ma’lumotga ega bo‘lishingiz va ulardan onlayn foydalanishingiz mumkin.