"Кўмир таъминот"нинг айтадиган гапи йўқми?

Кейинги кунларда аҳолига кўмир маҳсулотлари тарқатишда турли қонунбузарлик ҳолатлари содир этилгани ҳақида кўплаб хабарлар тарқалди. Жумладан, Самарқанд вилоятида ҳам айрим кўмир омборларида аҳолига берилиши керак бўлган маҳсулот қинғир йўллар билан бозорга чиқиб кетгани айтилди.

Аммо бу ҳақда "Самарқанд кўмир таъминоти" масъуллари томонидан на изоҳ, на муносабат берилди.
Умуман, вилоятда бу йилги мавсумда аҳолига ва ижтимоий соҳа ташкилотларига қачон, қанча миқдорда кўмир маҳсулотлари тарқатилгани ёки бу жараён ҳақида ОАВга маълумот берилмаётганини қандай изоҳлаш мумкин?
Нима, бу ташкилотнинг аҳолига айтадиган гапи йўқми?