Коронавирусга қарши 35 миллион доза вакцина Ўзбекистонга олиб келинади

Россия тўғридан-тўғри инвестициялар фонди ва "Laxisam" компанияси коронавирусга қарши "Sputnik V" 35 миллион дозагача вакцинани Ўзбекистонга етказиб бериш бўйича келишувга эришди, деб хабар берди РБК нашри.

Ўзбекистон норматив-ҳуқуқий органларидан розилик олингач, 2020 йилда 10 миллион доза 2021 йилда эса яна 25 миллион доза вакцина етказиб бериш режалаштирилмоқда.

Ушбу вакцина узоқ муддатли иммунитетни шакллантиришга ва фуқароларни ҳимоя қилишга ёрдам беради.