Корхонангизда ўрнатилган технологиялар экологияга зарар етказмаяптими?

Вилоятимизда фаолият юритаётган қурилиш материаллари ишлаб чиқариш корхоналари учун семинар-тренинг ташкил этилди.

Вилояти экология бошқармасида "Экологик меъёрларга мослаштириш ҳамда замонавий фильтрларни ўрнатиш" мавзусида ташкил этилган ушбу тадбирда прокуратура, “Ўзсаноатқурилишматериаллар” уюшмаси, Экология вазирлиги ҳамда “Ўзсаноатқурилишбанк” масъуллари ҳамда вилоятда фаолият юритаётган қурилиш материаллари ишлаб чиқариш корхоналари раҳбар ва мутахассислари иштирок этди.

Семинарда эколог мутахассислар томонидан иштирокчиларга экологик меъёрларга амал қилмасликнинг салбий оқибатлари ҳамда уларни бартараф этишда замонавий фильтрларнинг аҳамияти ҳақида батафсил маълумот берилди.

Шунингдек, республикамизда чанг-газ тутиш ускуналарини лойиҳалаш, ишлаб чиқариш ҳамда ўрнатиб бериш фаолияти билан шуғулланувчи пудрат корхоналари ўз намойишлари билан иштирок этиб, тадбиркорларга соҳага оид тавсиялар бериб ўтишди.