Кучли шамол туфайли электр таъминоти вақтинча ўчирилди

Энергетика вазирлиги берган хабарга кўра, Самарқанд вилоятида кеча кузатилган кучли шамол оқибатида айрим электр узатиш тармоқлари хавфсизликни таъминлаш мақсадида ўчирилган.

Бунинг натижасида Самарқанд шаҳри, Жомбой, Ургут, Тайлоқ, Паст Дарғом ва Оқдарё туманларининг айрим ҳудудларида жами 3250 та истеъмолчининг электр таъминотида узилишлар кузатилмоқда.

Бугун соат 8:00 дан бошлаб электр таъминотидаги ушбу узилишлар босқичма-босқич қайта тикланмоқда.