Kuchli shamol tufayli elektr ta’minoti vaqtincha o‘chirildi

Energetika vazirligi bergan xabarga ko‘ra, Samarqand viloyatida kecha kuzatilgan kuchli shamol oqibatida ayrim elektr uzatish tarmoqlari xavfsizlikni ta’minlash maqsadida o‘chirilgan.

Buning natijasida Samarqand shahri, Jomboy, Urgut, Tayloq, Past Darg‘om va Oqdaryo tumanlarining ayrim hududlarida jami 3250 ta iste’molchining elektr ta’minotida uzilishlar kuzatilmoqda.

Bugun soat 8:00 dan boshlab elektr ta’minotidagi ushbu uzilishlar bosqichma-bosqich qayta tiklanmoqda.