Марказий ҳарбий округда озиқ-овқат ярмаркаси иш бошлади
Бугун, 24 декабрь куни Марказий ҳарбий округ қўмондонлиги ҳамда Самарқанд вилояти ҳокимлиги ҳамкорлигида ҳарбий хизматчилар учун озиқ-овқат ярмаркаси ташкил этилди.
Сифатли ва арзонлаштирилган маҳсулотлар ярмаркасининг Янги йил байрами арафасида ташкил этилиши ҳарбий шаҳарча аҳолиси, ҳарбий хизматчилар ва уларнинг оила аъзолари учун айни муддао бўлди.
– Бу ердаги нархлар ҳамёнбоп, бозордан 15-20 фоиз арзон, – дейди нафақадаги ҳарбий Владимир Облақулов. – Ушбу ярмаркани “Ватанпарвар” маҳалласи марказида ўтказилиши фахрийлар учун ҳам анча қулайлик яратди. Бунинг учун тадбир ташкилотчиларига ҳарбий хизматчилар номидан миннатдорчилик билдираман.
Мазкур озиқ-овқат ярмаркаси 25-26 декабрь кунлари ҳам ўтказилиши режалаштирилган.
Марказий ҳарбий округ матбуот хизмати.
