Markaziy harbiy okrugda oziq-ovqat yarmarkasi ish boshladi

Bugun, 24 dekabr kuni Markaziy harbiy okrug qo‘mondonligi hamda Samarqand viloyati hokimligi hamkorligida harbiy xizmatchilar uchun oziq-ovqat yarmarkasi tashkil etildi.

Sifatli va arzonlashtirilgan mahsulotlar yarmarkasining Yangi yil bayrami arafasida tashkil etilishi harbiy shaharcha aholisi, harbiy xizmatchilar va ularning oila a’zolari uchun ayni muddao bo‘ldi.

– Bu yerdagi narxlar hamyonbop, bozordan 15-20 foiz arzon, – deydi nafaqadagi harbiy Vladimir Oblaqulov. – Ushbu yarmarkani “Vatanparvar” mahallasi markazida o‘tkazilishi faxriylar uchun ham ancha qulaylik yaratdi. Buning uchun tadbir tashkilotchilariga harbiy xizmatchilar nomidan minnatdorchilik bildiraman.

Mazkur oziq-ovqat yarmarkasi 25-26 dekabr kunlari ham o‘tkazilishi rejalashtirilgan.

Markaziy harbiy okrug matbuot xizmati.