Москвада юзлаб муҳожирлар армияга чақирилди
Яқинда Россия паспортини олган 350 дан ортиқ фуқаро Москва областида ўтказилган рейдлардан сўнг армия сафига жўнатилди. Бу ҳақда База телеграм канали маълум қилди.
Телеканал маълумотларига кўра, ҳарбий хизматдан бош тортганларни қўлга олиш бўйича операция Тергов қўмитаси ва Ички ишлар вазирлиги раҳбарларининг буйруғи билан 1-октябрь куни бошланган. Aввало, милиция ходимлари яқинда паспорт олган ва ҳарбий рўйхатда бўлмаган фуқароларга қизиқиш билдирмоқда. Улар милиция бўлимларига олиб борилади, сўнгра ҳарбий рўйхатга олиш ва чақирув бўлимларига ўтказилади.
