Пахтачидаги хонадонга девор ошиб кириб 60 миллион сўмни ўғирлаган шахс ушланди

Пахтачи тумани ИИБга туманнинг "Гулшан" маҳалласида яшовчи фуқаро ариза билан мурожаат қилган. Унга кўра, 8 январь куни соат 17:00-22:00 оралиғида номаълум шахслар уйда ҳеч ким йўқлигидан фойдаланиб, девор ошиб кириб, 60 миллион сўм пулларини ўғирлаб кетган.

ИИБ ходимлари томонидан олиб борилган тезкор-қидирув ишлари натижасида мазкур жиноятни Пахтачи тумани яшовчи, 1997 йилда туғилган шахс содир қилгани аниқланиб, ундан 54 миллион 500 минг сўм пуллар ашёвий далил сифатида олинган.

Самарқанд вилояти ИИБ ахборот хизматига кўра, ҳолат юзасидан Пахтачи тумани ИИБ томонидан жиноят иши қўзғатилган.