Қирғизистонда “Манас” достонини ижро этиш учун жамланган болалар устига юриб кетган автоулов ҳолати юзасидан жиноят иши қўзғатилди
Бир кун аввал Қирғизистоннинг Сузоқ туманида ЙТҲ содир бўлгани ҳақида хабарлар тарқалган эди. Унда "Hyundai Porter" мини-юк машинаси республика танлови доирасида “Манас” достонини ижро этиш учун жамланган болаларни босиб кетди.
Кейинчалик маълум бўлишича, ҳайдовчи машинани тўхтатиб қўйган, лекин двигателни ўчирмаган, шу сабабли у ҳаракатлана бошлаган ва оммавий тадбир қатнашчилари устига ҳаракатланган. 20 нафар бола касалхонага ётқизилган, 5 нафари реанимацияда. Бу ҳолат бўйича жиноят иши қўзғатилган.
Вазирлик буйруғи билан мамлакат бўйлаб “Ураанйм Манас” танлови доирасидаги барча тадбирлар бекор қилинган.
