Қўшработда 125 миллион сўмга давлат захирасидаги ер майдонини сотаётган шахс ушланди
Ҳолат Бош прокуратура ҳузуридаги Департаментнинг Қўшработ тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда фош этилган.
Фуқаро Ж.Ш. фуқаро Ҳ.Т.нинг ишончига кириб, "Тинчлик" маҳалла фуқаролар йиғини ҳудудидаги давлат захирасидаги 25 сотих ер майдонини гўёки ўзиники эканлигини ва 125 миллион сўмга сотишини айтиб, келишилган пуллардан 100 миллион сўмни олган вақтида ашёвий далиллар билан ушланган.
Мазкур ҳолат юзасидан жиноят ишлари қўзғатилиб, тергов ҳаракатлари ўтказилмоқда.
