Самарқанд туман ҳудудида юк машинаси билан автомашина тўқнашиб кетган, ҳайдовчилардан бири воқеа жойида ҳалок бўлган
Самарқанд туман ИИБ нинг Zarnews.uz сайтига берган маълумотига кўра, бугун йўл транспорт ҳодисаси содир бўлган.
2019 йил 28 май куни соат 12:00 ларда Самарқанд тумани Ўзбеккенти маҳалласи ҳудудидан ўтувчи автомобиль йўлида ҳайдовчи Д.С бошқарувида бўлган “Камаз” 5511 русумли 30 Z 061 JA давлат белгили юк машинасини автомобиль йўлининг Ўзбеккенти-Қорасув йўналиши бўйлаб бошқариб бораётганда, ушбу автомобиль йўлига туташган М-37-Ўзббеккенти йўналиши бўйлаб ҳаракатланиб келган ҳайдовчи З.Ҳ бошқарувида бўлган “Нексия-3” русумли автомашинаси билан тўқнашган. Натижада “Нексия-3” русумли автомашина ҳайдовчиси З.Ҳ ҳодиса жойида вафот этган.
Ушбу ҳолат юзасидан Самарқанд туман ИИБ ҳузуридаги тергов бўлими томонидан 2019 йил 28 май куни Ўзбекистон Республикаси Жиноят Кодексининг 266-моддаси 2-қисми билан жиноят иши қўзғатилган.
