Самарқандда ахборот коммуникация технологияларини ривожлантириш учун 200 миллиард сўмга яқин маблағ ажратилади

Жорий йил якунига қадар Пахтачи, Пайариқ ва Қўшработ туманларидаги почта алоқа боғламалари рақамли трансформация қилиниб, 15 турдаги электрон ҳукумат ва банк хизматлари кўрсатилиши йўлга қўйилади.

Қўшработ, Пайариқ, Каттақўрғон, Нарпай ва Пахтачи туманларида рақамли технологиялар ўқув марказлари ташкил этилади.

Жомбой, Қўшработ, Нарпай, Оқдарё, Паст Дарғом, Самарқанд ва Тойлоқ туманларида информатика ва ахборот технологияларига ихтисослашган мактаблар ташкил этилади.

Вилоятдаги маҳалла фуқаролар йиғинларининг барчасида юқори тезликдаги интернет хизматларидан фойдаланиш имконияти яратилади.

Йил якунигача амалга ошириладиган бу ишларга 197,5 миллиард сўм маблағ йўналтирилиши режалаштирилган.