Самарқандда бўлиб ўтадиган ШҲТ саммитида "Хитой-Қирғизистон-Ўзбекистон" темир йўли қурилиши бўйича уч томонлама ҳужжат имзоланиши режалаштирилган — Владимир Норов

Бу ҳақда Ташқи ишлар вазири вазифасини бажарувчи В.Норов бугун Тошкентда бўлиб ўтган «Ўзбекистон - Озарбайжон - Туркия» уч томонлама биринчи йиғилишида айтиб ўтган.

Норовнинг сўзларига кўра, 2022 йил сентябрь ойида Самарқандда бўлиб ўтадиган ШҲТ саммитида "Хитой-Қирғизистон-Ўзбекистон" темир йўли қурилиши бўйича уч томонлама ҳужжат имзоланиши режалаштирилган. Ҳозир томонлар лойиҳанинг техник-иқтисодий асосларини ишлаб чиқиш устида фаол ишламоқда.

Қайд этилишича, ушбу темир йўл коридорини Транс-Кавказ йўлаги билан боғлаш мамлакатлар ўртасида ягона транспорт тармоғини яратади ва Хитойдан Европага савдо географиясини кенгайтиради.