Самарқандда китобхонлик фестивали ғолиблари тақдирланди

Ёшлар маънавиятини юксалтириш ва уларнинг бўш вақтини мазмунли ўтказиш мақсадида бешта муҳим ташаббус доирасида республика бўйлаб китобхонлик тадбирлари ўтказиляпти. 

Бугун Самарқанд шаҳридаги ёшлар марказида китобхонлик фестивалининг тақдирлаш тадбири бўлиб ўтди. 

Фестивалда эртаклар билимдони, менинг кутубхонам, китобхон оила ҳамда йилнинг энг яхши кутубхоначиси номинациялари бўйича 1-, 2- ва учинчи ўрин ғолиблари тақдирланди. 

- Ҳафтанинг ҳар бир кунини китобхонлик, спорт машғулотлари каби алоҳида машғулот кунлари.сифатида белгилаб олганмиз, - дейди китобхон оила номинацияси 1-ўрин соҳиби Каттақўрғон туманидаги 11-ихтисослашган мактаби ўқитувчиси Саида Элмуродова. - Танловда иштирок этган бошқа китохон оилалар ҳам кучли тайёргарликка эга эди. Айниқса, танловнинг финал босқичи қизғин ўтди.

Тадбир сўнгида ғолибларига қимматбаҳо эсдалик совғалари топширилди.