Самарқандда пара-триатлон бўйича Осиё чемпионатига старт берилди
Хабар берганимиздек, бугун, 9 июнь куни Ўзбекистон тарихида илк бор «Пара-триатлон бўйича Самарқанд – 2023 Осиё чемпионати» бошланди.
Мусобақа иштирокчилари 750 метр масофага сузиш, 20 километр велосипедда ҳаракатланиш, 5 километрга югуриш баҳсларида қатнашади.
- Чемпионатда йигирмага яқин давлатдан 300 нафардан ортиқ спортчи иштирок этмоқда, - дейди вилоят ёшлар сиёсати ва спорт бошқармаси бошлиғи Шуҳрат Рўзиев. - Мазкур чемпонат сентябрь ойида ўтказиладиган жаҳон кубоги олдидан тайёргарлик вазифасини ўтайди. Шунингдек, ушбу мусобақа спортчиларга халқаро рейтинг очколари бериш билан бирга, вилоятимизда туризм ривожининг ошишига хизмат қилади.
