Самарқандда "Туризм ахборот маркази" очилди

Бугун, 27 сентябрь - Бутунжаҳон туризм куни муносабати билан Самарқанд шаҳридаги Шоҳи Зинда мажмуаси ҳудудида "Туризм ахборот маркази"нинг очилиш маросими бўлиб ўтди.

Унда кенг жамоатчилик вакиллари ва хорижий мамлакатлардан ташриф буюрган сайёҳлар иштирок этди.

Вилоят туризм ва спорт бошқармаси бошлиғи ўринбосари Дилшод Нарзиқулов марказда сайёҳлар учун яратилган имкониятлар билан таништирди.

- Янги туризм объектида нафақат маҳаллий, балки хорижлик сайёҳлар учун ҳам қулай имконият яратилган, - дейди Д.Нарзиқулов. - Асосан марказда сайёҳлар тарқатма материаллар, мажмуа харитаси ва яхна ичимликлар билан таъминланади.