Samarqandda "Turizm axborot markazi" ochildi
Bugun, 27 sentyabr - Butunjahon turizm kuni munosabati bilan Samarqand shahridagi Shohi Zinda majmuasi hududida "Turizm axborot markazi"ning ochilish marosimi bo‘lib o‘tdi.
Unda keng jamoatchilik vakillari va xorijiy mamlakatlardan tashrif buyurgan sayyohlar ishtirok etdi.
Viloyat turizm va sport boshqarmasi boshlig‘i o‘rinbosari Dilshod Narziqulov markazda sayyohlar uchun yaratilgan imkoniyatlar bilan tanishtirdi.
- Yangi turizm ob’yektida nafaqat mahalliy, balki xorijlik sayyohlar uchun ham qulay imkoniyat yaratilgan, - deydi D.Narziqulov. - Asosan markazda sayyohlar tarqatma materiallar, majmua xaritasi va yaxna ichimliklar bilan ta’minlanadi.
