Самарқандда хориж тажрибаси асосида чиқиндилар қайта ишланади ва муқобил энергия ишлаб чиқарилади

Самарқанд шаҳар ҳокимлиги, "Мароқанд обод" ДУК, Санитар тозалаш маркази Самарқанд ҳудудий филиали ҳамда Хитойнинг "Powerchina Zhongnan Engineering Corporation Ltd" хорижий бизнесни бошқариш департаменти менежери, жаноб Чжоу Данюн билан учрашув бўлиб ўтди.

Унда Самарқанд шаҳрида чиқиндиларни қайта ишлаш ва муқобил энергия ишлаб чиқариш масалаларида корхона лойиҳалари кўриб чиқилди. Шунингдек, чиқиндиларнинг атроф-муҳитга таъсирини камайтириш борасида хорижий тажрибалардан фойдаланган ҳолда ҳамкорлик алоқаларини ўрнатиш масалаларига аҳамият берилди.

Келгусида ушбу хорижий департамент иштирокида чиқиндиларни қайта ишлаш ва ундан муқобил энергия ишлаб чиқаришга келишиб олинди.