Самарқанддаги ОТМларга қанча ота-онасиз болалар ўқишга қабул қилинади?

“Меҳрибонлик уйи" ва Болалар шаҳарчасининг битирувчилари бўлган чин етимлар, SOS - болалар маҳаллалари ва оилавий болалар уйлари битирувчилари, шунингдек, васийликка, ҳомийликка ёки оилага тарбияга олинган (патронат) етим болалар (йигирма беш ёшга тўлмаган) учун қўшимча бир фоизли давлат гранти асосидаги қабул кўрсаткичларининг олий таълим муассасалари таълим шакллари кесимида тақсимоти тасдиқланди.

Унга кўра, Самарқанд вилоятидаги олий таълим муассасаларига етим болалар учун қуйидаги миқдорда ўрин ажратилди:

Самарқанд давлат университетига – 23 ўрин (17 кундузги, 3 сиртқи, 3 кечки);

Шунингдек, университетнинг Каттақўрғон филиалига – 5 ўрин (4 кундузги, 1 сиртқи);

Ургут филиалига – 4 ўрин (кундузги);

Ўзбекистон-Финландия педагогика институтига – 21 ўрин (15 кундузги, 6 кечки);

Самарқанд давлат чет тиллар институтига – 29 ўрин (20 кундузги, 9 кечки);

Самарқанд иқтисодиёт ва сервис институтига – 22 ўрин (10 кундузги, 6 сиртқи, 6 кечки);

Самарқанд ветеринария медицинаси, чорвачилик ва биотехнологиялар университетига – 19 ўрин (14 кундузги, 5 сиртқи);

Самарқанд давлат тиббиёт университетига – 11 ўрин (кундузги);

Самарқанд давлат архитектура-қурилиш институтига – 20 ўрин (17 кундузги, 3 сиртқи);

“Ипак йўли” туризм ва маданий мерос халқаро университетига – 5 ўрин (4 кундузги, 1 сиртқи);

Тошкент ахборот технологиялари университети Самарқанд филиалига – 8 ўрин (5 кундузги, 2 сиртқи, 1 масофавий);

Тошкент давлат иқтисодиёт университети Самарқанд филиалига – 6 ўрин (4 кундузги, 2 сиртқи);

Тошкент давлат аграр университети Самарқанд филиалига – 7 ўрин (6 кундузги, 1 сиртқи).