Самарқандлик спортчилар «Президент олимпиадаси»да 19 та медални қўлга киритди
Тошкентда 15-17 ёшдаги спортчилар ўртасида “Янги Ўзбекистон олимпия чўққилари” спорт ўйинларининг финал босқичи – «Президент олимпиадаси» мусобақалари давом этмоқда.
Мусобақада ўн спорт тури бўйича 222 нафар спортчи вилоятимиз шарафини ҳимоя қиляпти.
Бугунга қадар ўтказилган мусобақаларда вилоятимиз спортчилари 4 та олтин, 3 та кумуш ва 12 та бронза медалини қўлга киритди.
Мусобақа 4 декабргача давом этади ва дзюдо, баскетбол, стол тенниси спорт турлари бўйича мусобақалар бўлиб ўтади.
