Сичуан провинцияси ва Самарқанд вилояти ўртасида қатор келишувларга эришилди

Самарқанд вилояти ҳокими Эркинжон Турдимов Хитой Халқ Республикасининг Сичуан провинцияси халқ ҳукумати губернатори Хуан Сян билан учрашув ўтказди.

Учрашувда икки томонлама манфаатли алоқаларни йўлга қўйиш масалалари муҳокама этилди. Якунда ҳамкорликни янада ривожлантириш бўйича йўл харита тузилиши, унда фармацевтика, электротехника, металлургия, қишлоқ хўжалиги ва туризм соҳаларида алоқаларни мустаҳкамлашга қаратилган вазифалар белгиланишига келишиб олинди.
Бу борада тегишли меморандум имзоланди.