Тест синовлари ўтадиган стадион ва хиёбонлар бўйича маълумотлар эълон қилинди
Давлат тест марказининг расмий веб-сайтига 2021/2022-ўқув йили учун олий таълим муассасаларининг бакалавриат таълим йўналишларига кириш тест синовлари ўтказиладиган стадион ва хиёбонлар бўйича маълумотлар жойлаштирилди.
Унда қуйидаги маълумотлар акс этган:
- стадион ёки хиёбоннинг расми;
- ҳудудга кириш жойлари;
- стадион ёки хиёбон номи;
- стадион ёки хиёбон манзили;
- сектор рақами;
- тест топширадиган гуруҳлар;
- стадион ёки хиёбоннинг Google харитадаги геолокацияси.
Мазкур саҳифада Самарқанд вилояти ҳудудидаги тест синовлари ўтказиладиган стадионлар ва хиёбонлар бўйича маълумотлар билан танишишингиз мумкин.
